2018
INDUSTRIA SORTZAILEEN JARDUNALDIA #6
Berrikuntzaren inguruko jakintzak eta jardunak elkar trukatzeko topaketa
Kultura- eta sormen-industriak gaur egungo sektorerik indartsuenetarikoak dira, jakintzaren ekonomia berrian duten funtzio estrategikoa eta haien balio erantsi handia dela eta. Industria sortzaileen jardunaldiei esker, proiektu berritzaileak kaleratzeko lanean diharduten tokiko enpresen egitasmoak ezagutzeko aukera ematen da. Aldi berean, topaketa honi esker ekintzaileen arteko harremanak ahalbidetzen dira, sinergiak eta kolaborazioak erraztuta, sormen-industriaren ehuna sendotzearren.
Ekitaldi honek Euskal Herriko hainbat enpresa eta elkarte biltzen ditu, haien negozio-ideiak aurkezteko eta berrikuntza-prozesuak eta produktuak/zerbitzuak merkatuan nola txertatzen dituzten azaltzeko. Sormena eta berrikuntza hizpide, eztabaidarako eta hausnarketarako gunea ere bada, non partaideen jakintza eta jardunak elkar trukatzeko aukera baitago.
Irungo Udalaren Sustapen Ekonomikorako saila eta Bidasoa Activa Bidasoa Bizirik eskualdeko garapen-agentzia dira topaketa honen antolatzaileak 2013tik.
EGITASMO GONBIDATUAK
Deriva Sailmakers / Dibulitoon Studio / Eureka Reziklarte / Hartea / Muebles Lufe / Undermount
Komunikazioari buruzko hitzaldia:
Herederos de Rowan: Elogio de la artesanía
Galeria
PROIEKTU GEHIAGO
IKERKETA
Egoitza artistikoak / Ikuspegi berriak
Pandemia eta konfinamendu aldia eta ordura arte genituen askatasun askoren mugak gainditu eta gutxira sortu zen Bitamine Faktoriak azken 10 urteotan deitutako sorkuntzarako laguntzen programak berrikusteko ekimena.
Egia da orainaldi berria aldatu egin zela gertatutakoen ondorioz. Ekonomian eragina izan zuen, familia askok galdu zituzten maite zituzten pertsonak, galduak eta etsia hartuta sentiarazten gintuzten eguneroko errutinak eta aurrean genituen muga aldakorrek. Baina, gainera, pertsonok aldatu egin ginen. Gutako askok aprobetxatu dugu parentesi hori gelditzeko, hausnartzeko, aztertzeko, geure buruari errua egozteko, batzuetan galdu egiten dugula onartzeko eta, are gehiago, eginbehar akigarri horiek gainetik kentzeko. Gure helburuak zalantzan jarri eta erantzunak bilatu, horixe da kontua.
Arduragabea zen ordura arte gure egituran proposatu genuen ereduarekin jarraitzea, baina erantzunak ez ziren bakarrik agertuko, bilatu egin behar ziren.
Esparru horretan, lan luzea proiektatzen zen, fase zehatzetakoa, elkarren artean artikulatuak eta elkarren segidakoak denboran.
2021eko azaroan ikerketa lan bat jarri zen abian Euskal Herriko arte eta kultur sektorearen egoera ezagutzeko, eta 2022an zehar garatu zen.
Pertsona asko inplikatu dira lan-prozesuan, eta hori ezagutza-iturri baloraezina izan da, eta guztioi esker partekatu ditzakegu emaitza horiek. Bihotz-bihotzez espero dut emaitzak erabilgarriak eta emankorrak izatea sektorearentzat.
www.bitamine.net webgunean deskarga daiteke ikerketaren emaitzak biltzen dituen txosten osoa, Proiektuak atalean.
ERAKUSKETA "FABRIKAZIOAREN ARTEA"
Apirilaren 7an - Ficoba - KREA BIDASOA XIII. edizioa
Ekintzailetza, Berrikuntza eta Sorkuntza
Irungo eta Hondarribiko udalek, Bidasoa biziriken bidez, Krea Bidasoaren hamahirugarren edizioa egin dute Ficoban. Egun osoan zehar jardueren, tailerren eta espazioen programa zabala garatu da, eta ekintzaileak, enpresak eta beste erakunde publiko zein pribatu batzuk elkartzeko balio izan du.
Ficobako goiko solairuan ‘Fabrikazioaren artea’ erakusketa jarri da, eta Bitamine Faktoriako Helga Massetani Piemonte izan da erakusketaren komisarioa. Erakusketako pieza bakoitza ad hoc sortu da balioak, esperientziak eta berrikuntza irudikatzeko.
Erakusketa hori testuinguruan ulertzeko bitartekaritza-osagai gisa, bisita gidatuak eskaini dira diskurtso kuratoriala azaltzeko, bai eta pieza bakoitzetik ibilbide bat egiteko ere.
Erakusketa honek gure kulturari buruz hausnartzera gonbidatzen gaitu, baina kultura Melville Herskovits antropologo eta historialariaren ikuspuntutik; hau da, “pertsonek egindako ingurunearen zati” gisa.
Kultura definitzen duen ezaugarrietako bat da ingurune fisikora hobeto egokitzea ahalbidetzen duela, baliabide material eta tresna anitzak erabiliz, logika naturalak finkatutako aukeren gainetik goratu ahal izateko.
Artista bakoitzak aldarrikatzen duen estandarteetan oinarritutako diskurtsoa transmititzen duten pieza hauek, bizi-kalitatea hobetzeko eta gure ingurumenak eskatzen duen larrialdi berrietara berregokitzeko konpromisoa ere erakusten dute.
Ikusgai dauden pieza bakoitza ad hoc sortutakoa da, balioak, ibilbideak eta berrikuntza irudikatzeko. Industriaren eta fabrikazioaren esparruan erabiltzen den hizkuntza artearen lengoaiara, sortze prozesura eta diskurtso kuratorialera itzultzeko ahalegina egin da.
Egileak lanaldian lan egiten duten pertsona horiek guztiak dira, fabrikazioaren artea ekoizten dutenak.
ARTISTAK
PUERTAS OLAMENDI / KEMPCHEN-COMDIFLEX / LIEVORE ALTHERR MOLINA - SELLEX / AIADEK / NORCLAMP / ALGON EMM S.L. / ALCAD ELECTRONICS / JUNCAL AGUIRRE / IRUMA
DESKARGATU KATALOGOA
RIBERA #6
BIDASOAREN MEMORIA ARTEAREN IKUSPEGITIK
Espazio publikoan ospatzen den programa honek arte garaikidea eta memoria historikoa uztartzen ditu, uraren kulturak harreman sozialetan duen eragina ere aintzat hartuz. Diziplina anitzeko prozesu artistikoetan oinarritzen da eta elkar sorkuntzaren, partaidetzaren, ikerketaren eta esperimentazioaren aldeko apustua egiten du. Seigarren edizioa 2021eko irailaren 18an, larunbatarekin, ospatuko da Bidasoaren ibaiertzean. Urrian berriz emaitzen aurkezpena burutuko da CBA gunean.
CHECKPOINT
Infogunea
OROIMENAREN HORMAK
Horma esku-hartzea
MAIALEN AROCENA
JABIER RODRIGUEZ
RIBERA BEKAK
Humanitateen eta arteen alorrean ikerketa-ekintza izaerako proiektuak garatzeko esparru iraunkorra sustatzen du deialdi honek. Artista + antropologo bikoteak mugaz gaindiko lurraldean, Bidasoa ibaian eta bere eremuan bereziki, lanean aritzen dira.
Mugaz besteko esanahi kulturalak
Amaia Molinet y Olesya Dronyak
Ribera beketako bati esker aurrera eramandako izen bereko proiektuaren esparruan egindakoikerketan oinarritutako esku hartze artistikoa.
Larreaundi, langile-auzo baten dokumentala
Tamara Cuéllar y Félix Martín Cámara
Instalazioa (argazkiak)
Langile-auzo berri batean memoria bisuala. Larreaundiko auzotarren testigantza eta oroitzapenetan oinarritutako dokumentala.
10:00h
ABERE BA
BIGARA
Palíndromo Tailerra - Materialak barne
Palindromoak ezagutuko ditugu animalien izenekin jolasean: hitza, irudia eta ahotsa.
Iraupena: ordubete
11:00h
“ORILLAS”
INKO MARTIN
Radioperformance
“Orillas” fikziozko soinu-lan bat da. Ahotsaren, zuzenean sortutako soinu-efektuen eta soinu-atzealdeen bidez, soinuan zeharreko bidaia bat proposatzen die ikus-entzuleei. Horretarako, emakumezko antropologo batek Peruko Amazonasen bizi duen esperientzia izango da ardatz; hots, berez garenarekiko eta inguratzen gaituenarekiko konexio-, esplorazio- eta berraurkitze-esperientzia.
Gidoia eta muntaketa: Inko Martín. Antzezlea: Saioa Royo. Soinu-teknikariak: Mikel Cerezo eta Eneko Yaben.
10 minutu lehenago bertaratu beharra dago edukiera kontrolatzeko.
Iraupena: 40 minutu
12:00
NATURA ETA DARDARA
IDOIA ZABALETA, SOFÍA ASENCIO, CHUS DOMINGUEZ Y TOMÁS ARAGAY
Ibilaldi gidatua
"Natura eta haren dardara" ekimenak ibilaldi pausatu bat proposatzen du Bidasoa ibaiaren ertzean barrena, haren itsasorako bidean. Ibaiko korronteak ahots eta ikuspuntu desberdinen bidez begiratzeko eta entzuteko gonbita egiten zaie ibiltariei.”
Iraupena: ordubete
7 urtetik gorakoentzat gomendatua
Abiapuntua: checkpoint-a; 10 minutu lehenago bertaratu beharra dago edukiera kontrolatzeko.
13:00
BELARRIZ SU(S)MATU
MAITE ARROITAJAUREGI (MURSEGO)
Tailerra
Gure inguruan etengabe hedatzen ari den pieza musikal bat da soinu-paisaia; gu, aldiz, haren entzule, jole eta konpositore gara aldi berean.
Iraupena: ordu eta erdi
10 urtetik gorakoentzat gomendatua